Meghalaya-a lungalhthei phurchhuah khap ṭan

Lungalhthei khur neitute'n chhiah (royalty) an pek hnua National Green Tribunal (NGT)-in thla thum chhunga lung­alhthei laihchhuahsa phurchhuah a phalsak hun chu nimin khan a tawp a, lungalhthei phurchhuah leh hralh khap nghal a ni.

Meghalaya Chief Secretary PBO Warjri chuan NGT khapna thuchhuak chu khauh taka lekkawh turin a buaipuitu department- transport, taxation, mineral resource department, district thuneitu leh police te hriattir an ni, a ti.

Chief Secreatry Warjri chuan NGT thuchhuak chu state sorkarin khauh taka lekkawh a tum thu sawiin, hemi kawngah hian sorkar department hrang hrangte chu thawk ho tura hriattir an nih thu leh venghimtu police te pui turin CRPF company khat dahbelh an nih thu a sawi.