Agniveer-te state chhung hna lakah ngaih pawimawh an ni ang : Arunachal CM

Sorkar laipuiin kum 2022 aṭanga sipai lak dan thar a siam, Agnipath scheme lak hna kalpui ṭan tum a ni. He scheme hnuaia sipai lak tam zawkte chu kum li hnua chawl tur niin chung mite chu police, emergency leh fire services lak an nih hunah ngaih pawimawh an ni dawn tih Arunchal chief minister Pema Khandu chuan a sawi.

Agnipath scheme hmang hian Army, Navy leh Air Force-a ṭang tur ṭhalai kum 17.5 aṭanga 21 inkarte chu sipai atana lak an ni dawn a, heng sipaite hi Agniveer tia vuah an ni. Agniveer zinga 25% chauh hi a ngheta chhawr chhunzawm niin Central Armed Police Forces laknaah 10% hauhsak an ni bawk. Hetihlai hian sorkar laipuiin sipai lak dan thar a ruahman hi eptu leh ṭhalai zingah dodal a hlawh hle a, he scheme siam a ni tirh pawh khan ram chhung hmun hrang hrangah duh lohna lantira nawrh huaihawt a lo ni fo tawh a ni.

Arunachal CM Khandu chuan Agniveer-te harsatna hrethiamin state chhunga hna laknaah Agniveer-te hi ngaih pawimawh an nih tur thu sawiin, Agnipath scheme chu Arunachal ṭhalai, India tana bei tura chhertu ṭha tak a ni dawn tih a sawi. State dangte angbawkin Arunchal hian state chhunga hna lakah an ngai pawimawh dawn a ni.