Arunachal-ah ruihhlo dapchhuah beihpui thlak

Arunachal Pradesh Police te chuan dan loa damdawi hmanga sum dawnna dap chhuah hna an kalpui mekah, he lama inhnamhnawih mi pakua an man tawh.

Heng mi pakua te hi thubuai palia inhnam-hnawih te an ni a, tunhnai khan Changlang district-ah man an ni. An mi man Md. Giya Uddin leh Dhubri, Assam-a mi ve ve ta kut aṭang hian Opium (10gram) leh Ganja man a ni a, Satya Roy Basantpur, Assam-a mi vek kut aṭangin Opium (20 gram) leh Ganja (2kg) man a ni bawk. Chamlong Matcha leh Rang Ran Wangpan te kut aṭangin ruihhlo
ṭha-hnem tak an man bawk.

Kharsang police te chuan ruihhloa sum-dawng Amika Devi (45) chu manin, Ganja leh PIRA te an laksak a ni. Bordumsa Police te pawhin Namsai District-ah ruihhlo kaihnawihah hian mi pahnih an man ve bawk. Arunachal Pradesh-ah hian ruihhlo hmanga sumdawna a hluar em avangin state sorkar chuan tih rêm tumin hma a la mek a, he mi kawngah hian police te chuan beihpui an thlak mek a ni.