Manipur-ah Railway Project kahiahlak

Railway official chuan, Manipur-a nawrh-na leh buaina hrang hrang avangin Jiribam-Tupul-Imphal railway line siam mek chu zawh hun tura hun lo ruat tawh chu tiam chin awm loin pawhsei a nih thu an tarlang.

Northeast Frontier Railway (NFR) Chief Engi-neer A Saibaba chuan, "Manipur-ah hun rei tak chhung pawl hrang hrang ten lungawi lohna lantira kawng an dan avang leh bandh huaihawt a nih fo avangin beisei angin hna thawh chhak theih a ni lo a, Jiribam-Imphal Railway project kal lai pawh a khaihlak a ni" a ti. A Saibaba hian railway project hna kal mek chu a hmunah kalin harsatna tawh mek te a en a, hna chu engtikah nge zawh a nih theih ang tih chu hriat thiam har tak a ni a ti.

Jiribam-Tupul-Imphal Railway project hi national project niin, a enkawl hna hi sorkar laipui chuan a thawk a, leiverh 37 zet a awm dawn a, he mi thui zawng hi km 42 a ni. Hmun ruk zetah lei dawh a ni dawn bawk a, Noney lei chu dawh zawh a nih hunah chuan khawvela lei sang ber a ni dawn a ni. State sorkar chuan Chief Engineer hi lo dawngsawngin harsatna an tawh dan kimchang te sawiho a ni a, hmalak dan tur an rel bawk.

Chief Engineer chuan, he project kalpui mekah hian mipuite himna chu ngaih pawimawh ber a ni a, a bul hnaia khua te chu tlawh a tum thu a sawi.

Zonal Railway, NF Railway, Ministry of Rail-ways aiawh ten an ṭawi-awm a ni. Zonal Railway Users Consulta-tive Commi-ttee (ZRUCC) chu Mali-gaon Assam-ah nimin khan neih tura tih a ni a, he hunah hian hnathawh te thlirletin leh hmachhawp te sawiho a ni ang.