Tripura-in animal exchange programme an hlawhtlinpui

Tunhnai khan Tri-pura-a Sepahijala Wildlife Zoo leh Sanctuary te chuan chanchin duhawm neiin, Sakeibaknei pa-thum leh Saphai 10 zet an piang tih tarlan a ni. Forest Minister Naresh Jamatia chuan, an thil tawn chuan a tilawm hle tih sawiin, Sakei note thar te hi Amar, Akbar leh Anthony te an nih thu a sawi.

Sepahijala zoo-ah hian kum kalta khan Karnataka-a Banner-ghatta National Park aṭangin animal exchange programme hmangin Sakeibaknei hi an chaw lut a, hei hian tunhnai khan note pathum a hring a ni. State chief wildlife warden chuan, Saphai hian no 10 zet a nei tih sawiin, an dam chhhuah ngei beisei a nih thu a sawiin, Sakeibakneiin note pathum a hring hi a mak hle a, thil thleng zen zen lo a ni a ti. Sepahijala zoo hi hmarchhaka zoo changtlung berte zinga mi niin, tunah hian hauhuk, zâwng, savawm te pawh he zoo-ah hian an awm a ni. Kum 2015 vek khan Visakhapatnam’s Indira Gandhi Zoological Park leh Sepahijala Zoo te hian animal exchange prog-ramme hmang hian ramsa vang bik inthleng tawnna an lo nei tawh a, Tripura wild life department official te chuan West Bengal forest department leh Rajkot Zoological Park te nen animal exchange programme kalpui tur hian hma an la leh mek a ni.

Sepahijala Zoo hi Sepahijala Sanctuary leh National Park huam chhunga awm niin, India rama zoo lian ber 22-na a tling phak a ni. Forest and Environment Ministry chuan a chei ṭhat nan sum a ruahmansak mek a ni.