ASAK Commander a inpe

Achik Songna Anpa-chakgipa Kotok (ASAK) Commander Netri T. Sangma alias Harara leh midang pahnih te chu Thawhṭanni khan Meghalaya-a West Garo Hills Tura-ah inspector general of police SS Kynjing kutah an inpe. Commander ruala Police kuta inpete hi Telling Sangma (26) leh Lucas Areng (18) te an ni.

Police kutah hian 9 mm carbine, magazine, crude bomb, stamp pad, silai mu leh lehkhabu phek 63-a chhah an hlan tel a ni.

Hawakhana Baptist Church Pastor Frithing D. Sangma, deputy commi-ssioner leh Superin-tendent of Police Mukesh Singh ten inpete lawmna hi an telpui. Commander Netri chuan an mi leh sa eng emaw zat te chu sorkar kuta inpek tumin an inbuatsaih mek tih a sawi. Kum 2013 khan GNLA a chhuahsan tih sawiin, ASAK hi a zawm tih a sawi a, ramhnuai pilrila awm reng chu ṭha bera a hriat loh thu leh a chhungte bula khawsak a duh avanga inpe ta a nih thu a sawi a, khawtlang tana ka theihna te hman ka thlang ta a ni tiin Commander Netri T. Sangma chuan a sawi.