Union Minister pali-in Manipur an tlawh tawh Social Welfare Minister-in Feb 16-ah tlawh leh ang

Union Minister pali chuan Manipur-a hmasawnna project hrang hrang kalpui mekte a hmuna enfiah turin Manipur an tlawh.

Union Minister of State for Commerce and Industries Nirmala Sitharaman chuan Thawhṭanni leh Thawhlehni khan a ministry hnuaia hmasawnna hnathawh hrang hrang enpui turin Manipur a tlawh a, Imphal-a shopping mall sak mek a en bakah Manipur ramri sumdawnna hmunpui Moreh a tlawh bawk.

Union Home Minister Rajnath Singh leh Minister of State for Home Kiren Rijiju chuan dan leh thupek dinhmun enpui turin nimin khan Manipur an thleng a, vawiin hian Tripura an tlawh nghal ang.

Union Minister of Consumer Affairs, Food and Public Distribution Ram Vilas Paswan pawhin vawiin hian public distribution system hnuaia ration sem dan enpui turin Manipur a tlawh dawn bawk.

Ningania hmar­chhak state Social Welfare Minister te meeting neihpuitu, Union Social Welfare and Empowerment Minister Chand Ghelot chuan karleh Thawhṭanni, February 16 hian Manipur a tlawh bawk ang a, piang­phung­a rualbanlo mi 1,000 te hnenah wheel chair, tricycle leh hearing aid a sem nghal ang.

Manipur unit BJP president Chaoba Thounaojam chuan Union Minister dangte pawhin hmasawnna project kalpui mekte enpui turin Manipur an la tlawh tur thu sawiin, hmasawnna fund tichengpentute'n hremna an pumpelh loh tur thu a sawi.