Garo Hills-a zirlaite hnenah tablet sem

Meghalaya Chief Minister Mukul Sangma chuan Ningani khan Garo Hills district khawpui Tura-a pawl 12 zirlaite hnenah tablet a sem.

Zirlaite hnena tablet semna programme hi Chief Minister Digital Learning Aid Scheme hnuaiah kalpui a ni.

Chief Minister Mukul chuan thu sawiin, thlawh­theihna khalh zirna school hawn ṭha a tih thu sawiin, Meghalaya ṭhalaite tan remchang a awm theih a beisei thu a sawi.

CM Digital Learning Aid Scheme hi kum 2012 aṭangin Meghalaya district 11-ah kalpui ṭan a ni a, zirlaite hnenah tablet 50,000 semchhuah tawh a ni.

Tura-a tablet semna inkhawmah hian tablet 5,000 semchhuah a ni.

Meghalaya Chief Minister Mukul hian zirlaite tan CM career guidance scheme a duang bawk a, scheme kal­tlangin upper primary leh graduate inkarte career guidance pek an nih bakah competitive exam tumte tan coaching buatsaih a ni bawk.