Assam leh M'laya-in teacher ratio nei chhe ber

Assam leh Meghalaya chu hmarchhak state pariat zinga zirlai-zirtirtu ratio chhiat ber na an ni tih NGO report chuan a tarlang.

Pratham chuan 'Annual Status Report of Education Report (ASER-Rural 2014) for North East India' a tihchhuahah Assam-a school 34% chuan Right to Education (RTE) criteria an pha lo a ti a, zirtirtu pakhatin zirlai 30 zel a enkawl ang a ni, a ti. Meghalaya-ah pawh 60% chuangin zirlai-zirtirtu ratio-ah RTE criteria an pha lo bawk.

ASER hi India ram thingtlang bial­a kum khat chhunga chhungkaw tina zirlai naupangte din­hmun bihchianna lian ber, tlawmngai pawl, Pratham-in an neih ṭhin a ni.

Hmarchhak state zinga zirlai-zirtirtu ratio ṭhatnaah Manipur, Nagaland leh Sikkim chu a sang pathumah an awm a, zirlai-zirtirtu ratio-ah RTE criteria paltlang school 90% chuang ṭheuh an nei.

Tripura-a school 80% chuangin RTE criteria an paltlang bawk a, Arunachal Pradesh-a school 70% dawnin RTE hmanga tehna an pal­tlang bawk.

Pratham report chuan Manipur, Arunachal Pradesh leh Meghalaya-a school 50% chuangin zirlai hmei­chhiate tan a hranin inthiarna (toilet) an neih loh thu leh tui thianghlim in tur pekna an nei lo tih a tarlang bawk.