Ex-PREPAK Chairman leh a driver kahhlum an ni

Manipur-a People’s Revolutionary Party of Kangleipak (PREPAK) chairman hlui, sorkar kuta inpe ta Ningombam Nabachandra, Nongdren-khomb tia koh bawk leh a driver te chu Nilaini khan 7 MR complex Khabeisoi-ah kahhlum an ni.

Nongdrenkhomba leh a driver te ruang hi Nilaini zing khan a nupui Nabachandra leh a nupui nu Indira te chuan an hmu a ni. IGP Clay Khongsai leh Imphal East district police te chuan thil thlenna hmun hi an pan nghal a, an sulhnu
ṭhenkhat te hi Manipur Police Forensic Science Laboratory-ah en dik tura tih a ni. Nongdrenkhomba hi Thawhleh zan aṭang khan biak tlang theih lohin a awm niin a nupui chuan a sawi.

Ningombam (58) hi Thangmeiband Lourung Purel-a cheng a ni a, a driver Leishangthem Sanjit (41) erawh Thang-meiband Hijam Dewan Leikai-a cheng a ni. An ruang hi JNIMS-ah dah a ni a, Heingang PS-ah thubuai ziahluh niin, hnuchhui hna hi thawh nghal a ni.

He thil thlenna quar-ters-ah hian Nabachandra leh Potshangbam London, Chingkhei tia koh, kum 48 mite an cheng a, an pahnih hian PREPAK mi leh sa lo ni tawh ṭhin an ni. Nabachandra leh London te hi Dec 15, 2014 khan sorkar kutah an inpe a, an rual hian midang 58 te pawh sorkar kutah an inpe bawk.