Manipur : DMCC-in Delhi-ah nawrh an huaihawt

Delhi Meetei Coordinating Committee (DMCC) chuan Pathianni khan Manipur buaina ching fel thuai tura sorkar nawr nan Jantar Mantar, New Delhi-ah lungawi lohna an lantir. Hemi rual hian Manipur Meitei-te pawhin Hao Ground, Imphal East-ah lungawi lohna hi an lantir ve bawk.

Meitei pawl hrang hrang hian Manipur buaina ching fel turin sorkar laipui chu an ngen a, Jantar Mantar-a nawrh huaihawttute chuan Prime Minister's office-in Manipur chungchanga thutlukna mumal a siam thei lo leh a ngaihthah reng chuan a tilungawi lo takzet tih an tarlang. Nawrh huaihawttute hian sorkar laipui chu Kuki hnam ṭanah puhin, hleih nei loa rorel turin sorkar chu an duh tih an sawi bawk. Manipur-a remna leh muanna a awm theih nan thleibik nei loa rorel leh hnam tinte chu inang khata humhimna pek an ngai tih an tarlang.

Manipur tualchhung buaina avanga an in leh lo chhuahsantute hruai haw leh thuai an ngai tih sawiin kal khawmte chuan an sawi a, chhawmdawlna-ina an awm reng chuan an tuarna a belhchhah tih an tarlang. Heng mite tana chak zawka hmalak hi an phut tih an tarlang bawk. Meitei pawl hrang hrang hian sorkar laipui chu remna a awm theih nana chak zawka hma la turin an ngen a, thleibik nei loa rorel turin an duh bawk a ni.