Manipur media-in Assam Rifles news puandarhsak dawn lo

Manipur-a media pawlte chuan Assam Rifles mite'n journalist pahnih kut an thlak nia sawi chungchangah Assam Rifles chanchin hrim hrim chu eng mah puandarhsak an tum loh thu an tarlang.

Moreh tualchhung mite'n February 2-a Manipur Police kut an thlak chungchang report tu journalist pahnihte chu Assam Rifle te hian vauin, chanchin report tawh lo turin an hrilh a, kut an thlak bawk.

9th Assam Rifles (AR) Commanding officer Col Anandi Antare chuan Impact TV Bureau Chief Noren Ningombam leh cameraman K Bipin Sharma chu February 2-a Moreh-a thilthleng report lo tura a hrilh hnuah AR sipaite chuan kut an thlak zui a, an mobile phone leh camera pawh an laksak zui, tiin Manipur media te chuan an ziak.

Editors Guild of India chuan AR officer hi transfer turin thuneitute an phut bakah AR news hrim hrim tihchhuah an tum loh thu an tarlang a, Standing Committee of All Manipur working Journalists Union (AMWJU ) pawhin AR news chu puandarhsak an tum loh thu an tarlang bawk.