Rilru na avanga mahni intihhlum Assam-ah tam ber
National Crime Records Bureau (NCRB) record-in a tarlan danin Assam chu India rama rilru na avanga mahni intihlum tamna ber a ni.
Kum 2013 khan Assam-ah hian rilru natna vanga ṭhalai mahni intihlum mi 650 an awm a, hei hi India rama a sang ber a ni.
NCRB-in kum 2011 aṭanga 2013 chhunga Assam-a rilru na avanga mahni intihlum a chhinchhiah zat chu 1,545 a ni.
"Kum 2011 khan mi 494 an intihlum a, kum 2012-ah mi 401, kum 2013-ah mi 650-ah a pung chho a ni," tiin NCRB record chuan a tarlang.
Kum 2014 official record hi tarlan a la ni lo a, mahse Assam Police record chuan mi 500 chuang an ni tih a sawi.
NCRB record chuan, "Kum 2011-2013 chhunga rilru na avanga mahni intihlumte hi mipa 1,035 leh hmeichhia 510 an ni a, a tam zawk hi kum 15-29 inkara upa an ni hlawm," a ti.
Applied behavioural science-a zirbing mi Shilpa Hazarika chuan, "Mipa intihlum tam zawkte hi an ngaihzawngte nen an inkar a chhiat avanga intihlum an ni a, ngaihzawngte hmangaihna vanga rilrua hliam tuar mipate hian ruihhlo tih an ching zui ṭhin bawk," a ti.
Assam-a kum 2011-2013 chhunga mahni intihlum zinga 15% chu an ngaihzawngte nena an inkar boruak chhiat vanga intihlum an ni.
Assam-a mahni intihlum zat:
Kum Intihlum zat
2011 494
2012 401
2013 650
Total 1545