Rahul-a'n hmarchhakah Congress tihngheh a duh

Congress Vice President Rahul Gandhi chuan hmarchhak bialah Congress party tihngheh a duh thu sawiin, North East Congress Coordination Committee (NECCC) te chu party tihlen leh tihchak dan ngaihtuah turin a hriattir.

NECCC hotu DD Lapang chuan kar kalta Inrinni khan Rahul hi New Delhi-ah a hmu a, he thu hi a lo sawi a ni.

Lapang chuan, "Rahul chuan NECCC hotute nen high level meeting neih thuai a duh a, Shillong-a ka let hnuah NECCC meeting koh nghal ka tum a ni," a ti.

NECCC hotu Lapang hian kar kalta Zirtawpni khan Congress party president Sonia Gandhi a hmu bawk a, hmarchhak biala Congress party din­hmun siamṭhat dan an sawi dun.