Nagaland-ah urbanization rate sang ber

Mihring awmzat aṭanga chhutin Nagaland chu India ramah khaw­pui­a cheng tam berna a ni.

Kum 2011 census-ah Nagaland-a khawpui biala mihring cheng punna hi 69% a ni a, hetihlai hian India ram puma khawpuia mihring punna chu 21% chauh a ni.

State Urban Development Department-in Annual Administrative Report 2013-14 a ti­chhuahah khawpui biala mihring punna hi a tarlang a, kum 2011 chhiar­puiah thingtlang biala mihring awm zat chu nasa taka tlakhniam thu a tarlang bawk.

Khawpui chu economy hmunpui a nih avang­in he laia mihring punna chu hmasawnna a ni, tiin Urban Development department report chuan a tarlang bawk.

Report chuan ei leh bara mipuite hmasawnna kawngah khawpui bial chu a pawimawh vangin ngaihpawimawh a nih tur thu a tarlang bawk a, khawpui bial hma a sawn chuan a chhehvel­ah pawh hmasawnna a thleng thuai ang, a ti.

Khawpui biala mi­hring punna zat a san avangin Urban Development department report chuan khawpuia chengte nitin mamawh, facilities leh infrastructure te a rang lama ngaihtuah a pawi­mawh thu a tarlang bawk a, mipuite mamawh phuhruk nan economic activities tam zawk kalpui a ṭul thu a tarlang bawk.