Nagaland-ah zirlai pakhat kaphlum

Nagaland, Tuensang district-ah pawl 9 kaw zirlai naupang pakhat chu kar kalta Inrinni khan rukbo a nih hnuah kahhlum a ni.

Senior police officer chuan he thu hi Pathianni khan a sawi a, thilthleng vanga lungawi lo mipui pungkhawmte chuan sorkar office leh vantlang hmunte an suasam thu a sawi bawk.

Pawl kaw zirlai naupang hi kar kalta Inrinni zing dar 10 vel khan rukbo a ni a, chawhnu dar khat velah Tuensang khaw daiah a ruang chhar a ni.

Yimchungrü leh Chang hnamte'n Tuensang-a ram an inchuh avanga an inkar­a buaina a chhuah aṭangin Inrinnia zirlai thihna hi February thlaa a pathumna a ni.

Tuensang-a chi leh chi intihbuaina vangin February 6 khan police pakhat leh mipa naupang kum 15 miin an lo thih phah tawh a, district thuneitute chuan boruak khap daih nan February 8 aṭang khan Code of Criminal Procedure (CrPC ) Section 144 tlawhchhanin curfew an puang nghal a ni.