CBI-in Assam minister hlui Himanta nupui thu an zawt

Central Bureau of Investigation (CBI) chuan Pathianni khan Assam Health Minister hlui Himanta Biswa Sarma nupui, Riniki Bhuyan Sarma chu Saradha chit fund chingpen chung­changah thu an zawt.

Saradha group-in an hnena sum peipungte sum an tihchingpensak chungchangah Riniki hi nimin khan Enforcement Directorate (ED) pawhin thu an zawt ve leh a ni.

Assam Health Minister hlui nupui Riniki hi Guwahati-a Pride East Entertainment Pvt Ltd (PEEPL) managing director a ni a, PEEPL hian satellite TV channel, NewsLive a enkawl a ni.

CBI-in report a dawn danin Saradha group hotu Sudipta Sen chuan NewsLive channel-in 'Great Guwahati Run’ a huaihawt theih nan an hnena aṭanga ṭanpuina sum laah PEEPL hi a puh a ni.

Saradha chit fund ching­pen chungchangah hian nikum khan CBI chuan Assam Health Minister hlui Himanta hi Kolkata-ah thu a lo zawtfiah tawh bawk.