Manipur : Tih luihnaa pawisa khawn ṭhin PLA leh KCP mi leh sa man

Manipur police chuan Imphal West district aṭangin tih luihnaa pawisa khawn ṭhin People's Liberation Army (PLA) leh Kangleipak Communist Party- People’s War Group (KCP-PWG) mi leh sa pahnih ve ve an man.

Police-te hian helpawl pali bakah two wheeler pahnih, pawisa fai Rs 44,210, mobile phone pasarih leh pawisa khawnna lehkha eng emaw zat an man tel a ni. PLA leh KCP helpawlte hi hmun hran ve veah an man a ni. Wahengbam Tombi Singh leh Thoudam Hemchandra Singh te chu PLA helpawl ami niin KCP mi an mante chu Huiningshungbam Kenjen Singh leh Irom Mikoi Singh te an ni.

An mi mante hian Imphal huamchhunga zirna-inah tih luihnain pawisa an khawn ṭhin nia tarlan a ni. Manipur police hian an mi mante bakah an bungraw kawl an man telte hi police station hnai berah dan anga rorel sak turin an hlan tih an tarlang bawk.