NDA sorkar hmalaknate chhawr ṭangkai rawh u

Union Minister for Science & Technology and Earth Sciences Harsh Vardhan chuan Thawhṭanni khan Manipur state khawpui, Imphal a tlawh a, state sorkar chu central-a NDA sorkar hmachhawp leh hmalaknate a hlawk thei ang bera chhawr ṭangkai turin a hrilh.

Harsh Vardhan chuan India ram puma district tinah Union Science & Technology Ministry chuan science centre hawn a tum thu sawiin, science thiamna chu mihring nunphung thlak danglam nan a ṭangkai a ni, a ti.

Union Minister chuan hmarchhak chu ramngaw leh nungchate tamna bial a ni, tiin a humhalh nan hnathawh ṭan thuai ṭul a tih thu a sawi bawk.

"Hmarchhak state te hmasawn nan kawng ṭha a inhawng mek a, state sorkar leh mipuite'n sorkar laipui an thlawp ṭhat chuan hmasawnna lian tham tak a thleng thei a ni. Sorkar laipuiin theih­tawp chhuah mahse hmar­chhak state sorkar leh mipuite thawhpuina kan neih loh chuan kan thil tum a hlawhtling lo ang," tiin a sawi bawk.