Assam Rifles-in Naisingpara camp-ah Bru hel an man

Tripura hmar lam, Kanchanpur district-a Naisingpara Bru raltlante camp aṭangin February 16 khan Bru hel pakhat chu a silai nen man a ni.

Assam Rifles 30th battalion official chuan he thu hi sawiin, an thudawn bawhzuia Bru raltlante camp an dap thu a sawi a, Lalbiakmawia nia insawi chu camp aṭangin an man a ti.

Bru hel an man hnen aṭangin M-16 silai leh lehkha pawimawh an man tel thu AR official chuan a sawi bawk a, an mi man hi Anandabazar police station-a police te kutah an hlan thu a sawi bawk.