Mahni inkhuahkhirhna hmanga Shillong traffic buaina chinfel tum

Shillong traffic police te chuan traffic jam avanga harsatna awmte chinfel nan lirthei khalhtute chu mahni inkhuahkhirh turin an ngen.

Traffic police te chuan Shillong khawpui chhunga ‘no entry’, ‘one way’ leh ‘no parking zones', tarffic police te'n an ven lohnaah mahni inkhuahkhirh tur leh traffic police awm loh pawha dan ngaipawimawh turin an ngen.

East Khasi Hills district Superintendent of Police (SP) M Kharkrang chuan, "Self regulating kalphung chu hmun tam takah an hman ṭan tawh thu a sawi a, an hmalakna chu driver te'n traffic rules an ngaihpawimawhna atana zirtirna a ni tih a sawi bawk.

"No-entry, no-parking leh one-way zone-a traffic duty kan dahte chu dan bawhchhetute man an nih theih nan prohibited area chhungah kan dah thung a ni," tiin Kharkrang chuan a sawi.

East Khasi Hills SP chuan kumin January thlengin traffic dan bawchhiatna thubuai 851 ziahluh a ni, a ti a, pawisa fai cheng nuai 3.14 chawitir an nih thu leh nikuma traffic thubuai 14000 chuang ziahluhah cheng nuai 49 chuang chawitir an nih thu a sawi.