Sports Ministry-in SAF Games thleng turin Guwahati leh Shillong a rawt

Union Sports Ministry chuan kumin November thlaa South Asian Federation (SAF) Games neih tur thleng turin Guwahati leh Shillong a rawt.

SAF Games hnuhnung ber hi kum 2010 khan Bangladesh khawpui, Dhaka-ah neih a ni a, India chu kum 2012-a SAF Games thleng tura a ruat a ni a, mahse International Olympic Committee (IOC)-in Indian Olympic Association (IOA) chu a hrem avangin Games neih hun tur hi sawnhlat a ni.

IOC-in Indian Olympic Association a hremna hi nikuma IOC hruaitute inthlanna neih zawh hnuah hlih a ni a, SAF Games hi kumin November-a neih tura inbuatsaihna kalpui nghal a ni.

Sports Ministry official chuan, "Guwahati leh Shillong chu SAF Games thleng tura rawt an ni a, central team chuan sport infrastructure an neihte karlehah a endik ang," tiin a sawi.

SAF Games thleng tur hian Assam leh Meghalaya sorkarah pawmpuina dil tawh a ni a, Games huaihawtna atan cheng vaibelchhe 60 ruahman niin, hemi atan hian IOA chuan sorkar laipuiah vaibel­chhe 40 a dil.

Sports Ministry official chuan Shillong-a Sports Autho­rity of India (SAI) centre chu a remchan a rin thu leh Guwa­hati chu National Games thleng tawh a nih avangin sport infrastrcuture lamah harsatna a awm a rin loh thu a sawi bawk.