Union Minister-in NEIGRIHMS a tlawh

Union Minister for Science and Technology Harsh Vardhan chuan Nilaini khan Shillong-a North Eastern Indira Gandhi Regional Institute of Health and Medical Sciences (NEIGRIHMS) a tlawh.

Harsh Vardhan chuan thu sawiin, central-a NDA sorkar chuan kawng tin renga hmar­chhak bial hmasawnna atan theihtawp chhuahin a bei dawn a ni, a ti.

"Heng lai bialin hmasawnna atan eng nge a mamawh hre chiang turin hmarchhak bial ka tlawh a, hmasawnna thil tam tak chu a thleng tawh tih ka hmu. Mahse hmarchhak bial chu kum 60 chhung teh meuh ngaihthah a nih avangin tih tur tam tak a la awm a ni," a ti.

Union Health Minister hlui Harsh Vardhan chuan, "NEIGRIHMS chu India rama medical institute ṭhangduang tak a ni a, Prime Minister hlui AB Vajpayee chuan national status a lo pe tawh a ni. Hei vang hian NEIGRIHMS kan sorkar chuan inzawmna thuk tak kan nei a, institute hmasawnna chu kan thil hmuh chak berte zing a mi a ni," a ti.