Kuki JAC-in Manipur-a kawngpui danchah an ṭan

January 28-a Assam Rifle te'n Kuki mi pahnih an kahhlum vanga an lungawi lohna lantir nan Kuki pawl hrang hrang inzawmkhawm, Joint Action Committee (JAC)-in kawngpui danchah an tintuah chu Nilaini, February 18 khan an ṭan.

Senapati district, Kangpokpi hmuna Imphal tlawhpawhtu kawngpui, National Highway-2 danchah a nih vang hian Imphal pan bungraw phur truck eng maw zat chu kawng lakah a tangkhang nghal a ni.

Kuki mi pahnih kaphluma Assam Rifle te puh chungchangah JAC chuan state sorkar chu magisterial inquiry report puangzar turin ni 15 hun a pe a, mahse state sorkarin a puanzar loh vangin ei leh bara Imphal hrek tumin kawngpui an dangchat ta a ni.

JAC hian NH-2 bakah Imphal-Jiribam kawngpui, NH-37 pawh an dangchat a, kawng dangah chuan pangngai takin lirthei an tlan thei a ni.

Hetihlai hian Nilainia Chandel district, Pallel-a JAC meeting chuan Imphal leh Moreh kalpawhna kawngpui dangchat turin an rel bawk.