MCPM-in Feb 20 thleng catholic school te hun an pe

Manipur-a Catholic school ṭhenkhat­in zirlaite hnenah Kristian sakhaw zirtirna an kalpui ṭhin nia sawi chungchangah Maoist Communist Party Manipur (MCPM) chuan an thiltih bansan turin vawiin, February 20 thleng hun an pe.

MCPM publicity and propaganda secretary Nonglen Meitei chuan thu­chhuah a siamah Imphal leh a chhevela Catholic school panga- Little Flower School, St. Joseph School, Nirmalabas School, Catholic School Canchipur leh St. Jyoti Mantripukhri te chuan an school-ah ṭheuh Kristian sakhaw zirtirna an kalpui ṭhin tiin a tarlang a, hei hi state education policy-a harsatna thlentu a ni, a ti.

Kristian sakhaw zirtirna hi mihring nunkawng dik zirtirna, moral education subject-ah zirtir ṭhin an ni, tiin MCPM thuchhuak chuan a tarlang bawk a, Catholic school-a biak-in neite chuan India ram sakhaw zalenna kalphung an palzut a ni, a ti.

Catholic school pangte hian an thiltih chu vawiin aṭanga an tawpsan lo a nih chuan MCPM hian February 22-ah Imphal leh a chhehvelah bandh huaihawt an tum thu an tarlang bawk.