Assam power sector tan loan dollar mtd 50 pe dawn

Asian Development Bank (ADB) leh sor­kar laipui chuan Assam Power Sector Investment Programme tan loan, dollar maktaduai 50 pekna tur inremna an ziak.

Official thuchhuah chuan loan hi state-in energy a mamawh sang zel phuhrukna tura power generaton capacity leh distribution system tichangtlunna atana hman tur a ni, a ti.

New Delhi-a inremna ziahah hian sorkar laipui aiawhin Ministry of Finance-a Department of Economic Affairs Joint Secretary (Multilateral Institutions), Tarun Bajaj-a'n a hming a ziak. ADB aiawhin India Resident Mission Country Director, Teresa Kho in hming a ziak bawk. ADB hian kum 2003 aṭang khan Assam power sector puihna atan hian loan ṭum nga, dollar makta­duai 450 a pe tawh a ni.

Assam-ah hian power indaih loh avangin mi pathum zinga pakhat chu ni tin darkar 5-6 chhung power cut sak ang a ni. Peak period-ah chuan state sorkar hian indepedent producer-te hnen aṭangin man to takin power a hman aṭanga 15% a lei ṭhin bawk.