Bodo mite harsatna chingfel thuai turin ABSU-in sorkar ngen

All Bodo Students’ Union (ABSU) chuan Assam-a Bodo mite harsatna hrang hrang la chinfel lohte chu a rang lama chinfelsak turin sorkar laipui a ngen.

ABSU president Pramod Boro leh general secretary Lawrence Islary chuan pawl thuchhuah an siamah sorkar laipuiin India rama central university thar hawn belh a tum chu lawmawm an tih thu tarlangin, ABSU-in Assam, Bodoland Territorial Area District (BTAD) huamchhunga central university dinsak tura an ngenna chu a rang lama ngaihtuahsak turin sorkar laipui an ngen bawk.

ABSU chuan Bodoland Territorial Council inthlan neih hnuhnung berah venhimna ṭhat loh vangin tharum thawhna a thlen thu tarlangin inthlanna neih turah venhimna khauh taka kalpui an duh thu an tarlang.

ABSU chuan Union budget session neih meka Rail Budget pharh turah sorkar laipui chu Kokrajhar rel station thleng rel thar, Aronai Express tlantirna tur ruahmanna siam turin a ngen bakah Arunachal Pradesh, Naharlagun leh New

Delhi inkara rel service thar chu BTAD area, Udalguri Railway station leh Kokrajhar Railway station-a chawlhtir ṭhin turin an ngen.