Assam-Nagaland ramri-ah joint survey nei ṭan

Assam-Nagaland ramri buai chinfel nana ramri district pahnih thuneitute'n joint survey neih an lo rel tawh chu kar kalta Inrinni khan ṭan a ni.

Golaghat district Deputy Commissioner Nitin Khade thuchhuah bawhzuiin Golaghat Forest Division chuan Assam-Nagaland ramri D-sector ah ramri chhinchhiah­na an siam nghal.

Global Positioning System (GPS) hmanga survey neih hi ni nga chhunga zawhfel hman beisei a ni. Survey hi Golaghat district, Mariani leh Nagaland, Dimapur inpawhna kawngpui lamah pawh neih chhunzawm an tum a, Mariani-Dimapur kawngpui hi nikuma sial a ni a, Assam lam chuan kawngpui sialnaah hian an ram eng emaw chen chu Nagaland ram lamah a lut niin an sawi.

Golaghat DC Khade chuan Assam ram lama joint survey neih chu uluk taka a enpui thu sawiin, survey neih zawh a nih chuan ram inchuh thubuaiah thudik hailan a nih tur thu a sawi.