Rubber board-in Arunachal ṭanpui dawn

Rubber Board of India chuan Arunachal Pradesh-a rubber plantation tihchangtlun nan ṭanpui a tum thu a tarlang.

Rubber board hnuaia North Eastern Zonal Additional Production Commissioner Anil Kumar leh Deputy Production Commissioner KA Grijamoni chuan tun hnai khan Arunachal an tlawh a, Kumar chuan he thu hi a sawi.

"Arunachal-a rubber plantation tihchangtlun nan State Trade and Commerce Director Tokong Pertin ka titipui a, rubber plantation tihchangtlunna atana state sorkar hmalakna tam tak mi hrilh a ni," tiin Kumar chuan a sawi.

"Kan Commissioner-in kum 2013, March thlaa Arunachal a tlawh ṭuma a lo tiam tawh angin rubber board chuan theihtawp chhuahin hma a la dawn a, Itanagar-ah RBI regional office hawn a nih bakah Namsai-a development officer leh field officer dah a ni ta chu Arunachal-a rubber plantation tihchangtlunna atana Rubber board inpekna tichiangtu a ni," a ti.