Manipur-ah Hri vangin mi pahnih thi leh

Manipur-ah Thawhlehni khan Covid-19 vangin mi pahnih an thih belh leh a, an state-a hripui vanga thi hi mi 24 an awm tawh. 

Hripui vanga thite hi kum 41 leh 73 mi, Imphal-a Regional Institute of Medical Sciences (RIMS) Hospital-a enkawlte an ni. Covid-19 vang hian Imphal West-ah mi pariat, Thoubal (5), Imphal East (3), Kangkokpi (3), Chandel (3), Churachanpur (1) leh Bishnupur (1) an awm tawh a ni.  

Hri kai hmuh thar hi mi 82 awm lehin, Manipur-a hri kai hmuh tawh hi mi 5,444 an ni tawh a, an zingah hian security force mi leh sa 1,431 an tel. Hri kai enkawl dam hi 3,812 an tling tawh bawk. State chhunga Unlock 3 kalpui mek niin political function bakah sports, entertainment leh sakhaw thila punkhawm khap chhunzawm zel a la ni a, dan zawm lote chu Rs 10,000 chawi tir theih an ni. Pawn chhuahnaa mask vuah lo leh social distancing dan zawm lote pawh Rs 200 chawi tir theih an ni bawk a ni.