AP-in 6th schedule hnuaia telh turin nawr dawn

Arunachal Pradesh sorkar chuan State Assembly session neih turah an state chu Constitution-a Sixth Schedule hnuaia telh tura sorkar laipui nawrna tur resolution putluh a tum. Chief minister Pema Khandu hoa state cabinet meeting neihah he thutlukna hi siam a ni. 

Sorkar thupuangtu leh home minister Bamang Felix chuan deputy chief minister Chowna Mein kaihhruai committee-in ‘Constitutional Safeguard to the Indigenous people of Arunachal Pradesh’ report a siam chu cabinet meeting hian an zir chian hnuah, August 27-a neih ṭan tur assembly session-a resolution putluh hi an rel ta a ni, a ti. 

Felix chuan sorkar resolution-ah hian Arunachal Pradesh leilung fa, tribal hnamte dikna chanvo humhalh sak an nih theihna turin Sixth Schedule-a Arunachal Pradesh telh vel tura an ngen thu tarlan a ni, tiin a sawi.