Manipur-a private school pahnih an hal

Manipur, Imphal West district-a private school pahnih chu CBSE-in zirlaite admit card a pekchhuah theih loh avangin kar kalta Inrinni khan hal a ni.

School pahnihte hi CBSE recognise an nih loh vangin CBSE hian admit card a pe thei lo a ni.

March thlaa CBSE exam neih turah school pahnihah hian class 10 leh class 12 zirlai exam bei tur mi 100 chuang an awm.

Manipur-a Maoist Communist Party thupuangtu Nonglen Meitei chuan thuchhuah a siamah an pawl chu Keisamthong-a Central Institute of Sciences halnaa mawhphurtu an ni tih a tarlang.

Hetihlai hian Ghari-a Central Institute of Sciences building haltu erawh hriat a ni lo a, school thuneitute pawh chin hriat lohin an awm tiin police thuchhuak chuan a tarlang.