Assam-in Anna Hazare a thlawp

Assam sorkar chuan sorkar laipuiin Land Acquisition bill a siamṭhat dodalna atana nawrh huai­hawt mek Anna Hazare chu a thlawp tih a tarlang.

Chief Minister Tarun Gogoi chuan Anna

Hazare an thlawp thu sawiin, mipuite duh loh zawng leh lonei­tute chhiatna thlen thei thil chu Assam sorkarin a dodal zel ang, a ti.

"Mipuite leh loneitute chhiatna thlen thei policy chu Assam sorkarin a dodal zel a, Land Acquisition ordinance chu mipuite leh loneitute tana thil ṭha lo a ni a, mi hausate leh sumdawng liante hlawkna tur a ni," a ti.

Gogoi chuan Land Acquisition bill kal­phung thar chu Assam-ah kalpui a nih loh tur thu a sawi bawk a, Land Acquisition bill siamṭhatna chu Assam sorkarin a dodal thu leh a dodaltu Anna Hazare chu a thlawp thu a sawi bawk.