Tuki-a'n weigh bridge-ah CCTV vuah a duh

Arunachal Pradesh Chief Minister Nabam Tuki chuan sorkar sum bawm thleng lo chhiah kalral ṭhinte tihtawp nan state puma check gate hrang hranga weigh bridge-ah closed-circuit television (CCTV) vuah a duh thu a sawi.

Tuki chuan Thawhṭanni khan Tax and Excise department officer te meeting-ah thu sawiin, mobile squad te'n check gate hrang hrang 'surprise checking' an neih ṭhin chu zing zawka kalpui tura thuchhuah siam a nih tawh thu T&E officer te a hriattir.

Chhiah an lakte chhin­chhiah nana an bungraw hmante chu computerised vek turin department officer te a hriattir bawk.

Parliamentary Secretary Tax and Excise Tapuk Taku chuan chhiah lakte tihpun nan Tax Deducted at Source (TDS) tihtlem a duh thu a sawi a, chhiah chungchangah mipuite chu awareness campaign hmanga zirtirna pek ṭha a tih thu a sawi bawk.

Tax and Excise Commissioner Marnya Ete pawhin thu sawiin, staff indaihlohna chu chhiah kalral chhan pakhat a ni, a ti a, hemi atan hian Chief Minister Tuki chu post ruakte a rang lama hnawhkhahsak turin a ngen.