BSF-in July thla chhungin Tripura-ah ram dang mi 77 man

Border Security Force (BSF) chuan July thla chhungin Tripura-ah ram dang mi 77 man an ni tih a tarlang. Heng bakah hian India mi 23 leh ramri kan tura puitu mi pariat an man tel bawk.

BSF-in ramdang mi an man zinga 71 hi Bangladesh khua leh tui niin a bak zawng hi Rohingya an ni. July thla chhung vek khan a ruka ramri kan tum leh dan phal loh thil tawlh ruk tumte hnawh darh nan ṭum 70 zet silai hmehpuah a ni tiin, hemi avang hian hliam tuar paruk an awm tih tarlan a ni.

Ramri kana dan phal loha sumdawnna leh ramria luh ruk tumte dang tur hian BSF hian ṭan an la a ni. Mihring bakah dan phal loh thil dang Rs vbc 4 hû an man tel bawk. Forest department nen ṭangdunin ganja kung 76,000 an tichhe bawk a ni. Ramri ven him nan hian BSF hian drone leh thermal imaging and surveillance equipment te an hmang. Bangladesh tualchhung buaina thleng vangin ramriah hian venhimna uluk lehzual kalpui a ni.