Tripura-ah leimin vangin harsatna tawk mek

Tripura-in thlipui leh ruah nasa a tawrh avanga an harsatna chuan ziaawm lam a la pan thei lo. Leimin nasa tak avangin Natianal Highway 53, Assam-Tripura inter-state border chu kaltlang theih lohin a awm mek.

Kawngpui kaltlang theih loha a awm avang hian Tripura chuan nitin mamawh lakkhawm kawngah harsatna an tawk mek a, oil indaih lohna pawh a sang chho zel. Thil man a sang chho zel a, Petrol litre khat man chu Rs. 130-150-ah a kai chho tawh. Tripura Governor Tathagata Roy chuan an harsatna tawh hi Union road transport and highway minister hnenah a thlen tawh a, a rang lama hmalakpui turin a ngen a, a chhanna erawh an la dawng lo nia hriat a ni.