JCILPS publicity in-charge man a ni

Joint Committee on Inner Line Permit Systems (JCILPS), New Cachar road unit publicity in-charge chu Ningani khan man a ni a, puak thei thil a ken ṭhahnem tak man tel a ni bawk.

Nameirakpam Mangi, Yaima (48) tia koh hi National Revolutionary Front of Manipur (NRFM) member nia hriat a ni a, kar kalta Ningani khan Police te chuan media hmaah an pholang a ni.

Imphal West SP Dr AK Jhalajit chuan, Additional SP Imphal West Thokchom Vikramjit, Krishnatombi, DSP Imphal West commando leh Soibam Sachida-nanda, Dy SP Imphal West commando bakah, 2 Bihar Regiment, police leh sipaite nen ṭangkawpin beihpui thlak a ni. Security team te chuan Nameirakpam Mangi hi nangchingin an man zui a, a kut aṭang hian Gelatine 27 leh hmanraw dang leh mobile phone pahnih leh Honda Activate te man tel a ni a ti.

Dr Jhalajit chuan Mangi hi NRFM commander Bino-don, Kishan leh Wang-ba titea hriat bawk leh Dhabalo,Paikhomba tia hriat bawkte nen inzawmna an nei tih hriat a ni a ti. A inpuanna aṭangin Brahmacharimayum Biramangol chenna bula bomb February 23-a tih-puah te, March 17, June 7 leh Leitanthem Sanatomba Singh residential complex-a bomb puakah te a inhnam-hnawih tawh tih hriat a ni. JCILPS Sagolband New Cachar road unit publicity in-charge Nameirakpam Mangi hi hmun hrang hranga ILPS avanga nawrh huaihawtah a phusa ber te zinga mi a ni a, NRFM nen inzawmna thuk tak an nei tih hriat a ni bawk.