KAAC Member 18 ten BJP an zawm

Assam-a Congress party chak lohna chuan nghawng ṭha lo nei zelin, Karbi Anglong Autonomous Council (KAAC) member mi 18 zet te chuan Bharatiya Janata Party (BJP) an zawm. An zingah hian KAAC Chief Executive Member (CEM) Tuliram Ronghang pawh telin Ningani khan Diphu-a BJP party office-ah lawm luh an ni.

State BJP general sec-retary Vijay Gupta chuan member thar te lawmluhna hun hi hmanpuiin, an party chuan thinlung takin mi thar te chu a lo lawm a ni a ti. He mi hma hian Congress mi Premola Beypi, State Hill Areas Development Minister Kharsing Engti-a nupui Alice Engtipi, Kharsing Engti leh Ashok Teron te chuan BJP hi an lo zawm tawh a ni.