Assam-ah high-level review meeting nei

Assam Chief Minister Sarbananda Sono-wal chuan Block Dev-lop-ment Officer te chu an bial chhunga chhungkaw rethei leh khawsak harsa zual te thlang chhuak a, ni 15 chhunga Panchayat leh Rural Development Department-ah te report thehlut turin hriattir an nih thu a sawi.

Chief Executive Officer, Project Director leh Block Development Officer te chuan Ningani khan high-level review meeting Shilpgram Guwahati-ah an nei. He hun hmanpuitu Sonowal chuan BDO te chu model officer an nih theihna tura hma la turin a fuih a, office tinah complaint box dah tur leh, tihkhawtlai awm loa complaint awm te chu bawhzui thuai ṭhin turin a ngen a ni. Pradhan Mantri Grameen Awas Yojana hnuaiah state chhungah insak mek nuai hnih chuang a awm tih sawiin, BDO te chu thla hnih chhunga zawhfel a nih theih nana hma la turin Sonowal chuan a ngen bawk. Minister for Panchayat and Rural Development Naba Kumar Doley, PWD Minister Parimal Suklabaidya leh Chief Secretary VK Pipersenia te chuan he hun hi an hmanpui ve bawk.