Manipur-ah PMP, 2015 thlakna tur bill duang

Manipur-a Political Party hrang hrang aiawh te chuan Inrinni khan meeting an nei a, state assembly neih leh turah bill thar “protect and preserve the interest of all indigenous people” put luh an rel a ni.

Protection of Manipur Peoples Bill, 2015 (PMP, 2015) chu president pawmpui tura thawn a nih hnuah hnawl a ni a, he bill thlak nan hian “protect and preserve the interest of all indigenous people” chu State Assembly-ah put luh leh an rel ta a ni. Meeting hi Cabinet Hall CM Secretariat-ah neih a ni a, Chief Minister Okram Ibobi Singh chuan kaihruaiin, Political Party aiawh te an tel ṭha hle. Kalkhawmte chuan PMP, 2015 hnawl a nih tak avangin ram leilung fate humhimna tur leh an dikna chanvo te an chan theih nan “protect and preserve the interest of all indigenous people” hi siam a ni an ti. Hei hi State Assembly-ah la sawiho leh tur a ni ang.

Bill thar chu state chhunga hnam hrang hrang ten an pawm tlan theih ber tura duan a ni a, hei bakah hian resolution pathum an pass bawk. Bill thar hi legal leh Constitutional expert te ennawn leh tura tih a ni a, tlang ram leh phaia chengte tana pawm tlan theih tura duan niin, state assembly session-a sawiho leh turin an dah a ni.