Paper hman lohna state-ah AP

Arunachal Pradesh sorkar chuan e-govern­ance state ni tura a beih mekna kawngah hma la zelin, paper hman lohna state a nih theih nan hmalak an nih tur thu an sawi. Ningani khan Itana­gar-ah high level meeting neih niin Chief Secretary Shakuntala Gamlin chuan a kaihhruai a ni.

He hunah hian Principal Secretary (Home and Personnel), Secretary (IT), Secretary (Planning), Director (IT) leh NIC, New Delhi
aṭangin Sr Technical Director Rachna Srivastava hoin mi eng emaw zat an tel a ni. NIC team New Delhi te chuan “e-Office Suite” tih thupui hmangin zirtirna an pe bawk. Arunachal Pradesh-ah hian Knowledge Management System (KMS), e-Leave, e-Tour, e-Service book, Information Management System (PIMS) leh Collaboration and Messaging Services (CAMS) te kalpui turin hmalak mek a ni.

August 15 aṭangin e-Office suite hi hmang tura ruahman a ni a, state Civil Secretariat-ah hman a ni ang. Project Steering Committee leh Project Implementation Committee te chuan ngun takin an zir chiang anga kalpui a nih zel dan turah ruahmannna an siam dawn a ni.