Manipur-ah khaw pahnihte intàwng

Manipur-a Thoubal district-ah Thawhṭanni khan Nungei Meitei leh Nungei Meetei Pangal te inkarah buaina chhuakin, naupang kum 14 mi Md Arif Khan chu kah hlum a ni a, curfew puan nghal a ni.

District Magistrate T Ranjit Singh chuan curfew hi Nungei-ah hian Thawhṭanni tlai dar 5 aṭang khan a puang a, thupek chhuah a nih leh hma loh chuan curfew hi kalpui a ni ang. Nungei Meitei leh Nungei Meetei Pangal te hi thingtlang khua niin, khaw inṭhen-awm an ni a, eng vanga buai nge an nih erawh hriat theih mai a ni lo. Khaw pahnih te hi lungin an intàwng a, kang mei chhuak a awm bakah silai hmehpuah a ni a, naupang kum 14 mi hian vanduaina a tawk ta a ni. Md Arif Khan hian a luah hliam neiin, Shija Hospitals panpui nghal a ni a, doctor te chuan an chhan thei ta lo a ni. He buaina chhuak avang hian mi eng emaw zat chuan hliam an tuar a, Noor Hospital-ah dah luh an ni. He lai hmunah hian police te chuan venhimna khauh zawk an kalpui nghal bawk.