Manipur-ah chanchinbu ti tawp lailawk

Kangleipak Students’ Association (KSA) te nawrna avangin Manipur-ah thla khat chhung newspaper leh news magazines te tihtawp lailawk a ni dawn a, Pathianni aṭangin kalpui ṭan a ni ang.

KSA activist te chuan, “Manipur General Knowlege buah hian thil tih dik lo leh hriat sual tam tak a chuang a, sakhaw zuitu tam tak rilru tina thei thil a telh a ni" an ti.

Manipur-a sakhaw lian tak pakhat Lai Haraoba chu Shiva leh Durga te hnam lam anga ziah a ni a, Chief Minister hlui leh tuna parliament member ni lai Rishang Keishing chu “freedom fighter” anga ziah a ni bawk. KSA te chuan Keishing chu "freedom fighter" a nih loh thu leh politician a nih zawk thu an sawi.

KSA te hian Manipur General Knowlege tih R. Gupta ziah, Ramesh Publishing House, New Delhi-in a publish chu dawr hrangah hrangah an hmuh thu leh hralh chhuah a nih thu an sawi a, dawr neitute chu hralh chhuak tawh lo turin an ngen a ni.

KSA activist te chuan dawr pahnih M/s PC. Jain and Co. leh M/s Jain Book Store-ah te Inrinni khan Manipur General Knowlege bucopy eng emaw zat an hmuchhuak a, heng te hi lakhawmin an hal zui a ni. KHA te chuan Ramesh Publishing House, New Delhi chu nagihdam dil turin an ti a, a bu chhunga tihsual awm tak tak chu pawi an tih thu an sawi bawk. M/s P.C. Jain and Co. hi Manipur-ah hian newspaper leh news magazines India rama tih chhuah agent an ni a, he dawr hi thla khat chhung khar turin KSA te hian an ti ta a ni.

He thil thlen hma hian Kangleipak Students’ Association leh Manipur Students’ Federation te chuan Manipur chanchin ziahna lekhabu
ṭhenkhatte chu an lo ti tawp tawh a, heng zingah hian history of Manipur pawh a tel a ni.