Churachandpur-ah Tribal te an ṭawngṭai rual

Churachandpur-ah chuan Pathianni khan Joint Action Committee Against Anti-Tribal Bills te buatsaihnin
ṭawngtai rualna hun an hmang. He hun hmang tur hian Ukhrul, Chandel, Senapati, Sadar Hills leh Tamenglong aṭang tein Tribal hnam hrang hrang an fuan khawm. Churachandpur-a Young Paite Association general headquarters hall-ah he hun hi hman a ni.

Tribal pawl hrang hrang Naga Council, Thadou Women Associa-tion, Naga Student’s Union leh Zeliangrong Youth Front te chuan he hun hi an hmanpui bawk a, Tribal martar mi pakua te hriatrengna hun hman a ni bawk.

JAC hruaitu H Mang-chinkhup, Hmar Inpui president Joseph Lalro-thang, Mizo People Convention president Lalrinliana, Thadou Women Association president Vahchin, Zomi Council Chairman B Dongzalian Simte leh United Naga Council President Gaidon Kamei ten thu an sawi a ni.

Ṭawngṭai rualna hi All Manipur Tribal Women Union hruaitu Nianglian chuan a kaihhruai a, tribal movement flag chu in tinah tar an rel a ni.