AP chief minister insawifiah

Arunachal Pradesh Chief minister Kalikho Pul chuan People’s Party of Arunachal (PPA) leh Bharatiya Janata Party sawi zawm awm mek chungchang a sawifiah. Pul hian tun hnai khan Delhi a pana mi tam tak chuan BJP-a lut tur ang leh, an an state-ah BJP sorkar a din theih nan hmala niah an ngai a, BJP ten hruaitute dawr tura a kal ngei thu Pul chuan a pha lo.

Tun hnaiah media hrang hrang ten AP-ah BJP sorkar ding mai tur angin an tarlang fo a, BJP chuan state chief minister hnenah June 30 thleng PA MLA te chu BJP an zawm theih nan hun hawn sak an nih thu tarlan a ni bawk.

BJP state unit president Tapir Gao chuan he mi chungchangah hian BJP party president Amit Shah chuan Pul chu thu a thawn ngei niin a sawi ve bawk.

Thawhṭanni khan BJP hian Pul-a hnenah hian lekha thawn-in, June 30 thleng Amah leh an paty MLA te chu BJP zawm tura hun pek an nih thu an thawh niin an tarlang a, July chawlhkar hnih thleng an nghaihchan tur thu thlengin an sawi a ni. Heng bakah hian BJP chuan Pul hi hmanhmawh taka Delhi pan turin an ti niin an sawi bawk.

Chief minister chuan BJP aṭangin lekha a dawn loh thu a sawi ve thung a, BJP chuan an ko ngei tih erawh a pha lo. New Delhi a pan chhan chu thil dang daih a nih thu a sawi.

Congress chuan BJP leh Pul chungchangah hian thuchhuah siamin, Arunachal PCC chuan BJP leh PPA te boruak chu engmah lo mai a ni an ti a, BJP-in state-a sorkarna siam tura hmalakna a kalpui mek erawh hai theih a nilo a ni an ti. BJP hian tunah MLA 11 a nei mek.

APCC president Padi Richo chuan BJP hian ‘Mukt Congress - Mukt Minority’ din tumin hma a la mek niin a sawi ve bawk a, PPA MLA te hmin tur hian BJP chuan kawng hrang hrangin hma a la mek a ni a ti. BJP chuan thlaruk vel hnuah chuan Assembly ṭhiat a, Assam state hnung zuia BJP sorkar a din ve mai a hlauhawm niin APCC president chuan a sawi bawk.