AGP ten Assam Oilfield mimal kuta hlan remti lo

Union Petroleum Minister Dharmendra Pradhan chuan National Democratic Alliance sorkarin a din Assam chhunga oilfield 12 zet te chu lilam a nih tur thu a puang a, hei hi Asom Gana Parishad (AGP) te chuan an dodal thu an puang ve nghal.

Assam-ah hian BJP a sorkar tak avangin sorkar laipui chuan a ngaih ven thar hle a, tun hnai khan oilfield eng emaw zat siam a nih tur thu a puang a ni.

Congress hun laia oilfield lo din tawhte chu mipui hnenah lilam a, a thar duin tumin hma a la niin a lang. Hemi chungchangah hian AGP general secretary Kamala Kanta Kalita chuan, oilfield te chu mimal kuta hlan an remti tih sawiin, he thu tlukna hi court chuan ngaihtuah ṭha leh rawhse. AGP chuan Oil India Ltd leh ONGC te Public Setor Undertakin (PSU)-a a awm hi kan thlawp a, mimal kuta dah hi kan remti ngai lo a ni an ti.

Oil India Ltd leh ONGC te hian 12 oilfield zet an nei tawh tih a sawiin, an ni tih chang tlun zel hi hmasawna kawng dik zawk chu a ni, technology changkang zawk hmanga oilfield awm theihna tur te dap chhuah a pawimawh zawk thu Kalita chuan a sawi.

AGP president Brindaban Goswami pawhin sorkar laipui thutlukna chu hriatthiam har tak a nih thu sawiin, oilfield te lilama mimal emaw, mimal company kuta hlan chu thil pawi tak a ni thei tih a sawi.

Assam state sorkar hnuiaah company eng emaw zat an awm tih sawiin, heng company-te hian oilfield pakaht pawh an hmuchhuak thei lo a ni a ti.

AGP MLA Ramendra Narayan Kalita pawhin sorkar laipui thutlukna chu state mipuite zah lohna a ni a ti. Party lian dang Congress leh AIUDF pawhin an thlawp loh thu an sawi chhuak tawh bawk.