Kumin aṭangin MUC kalpui ṭan a ni dawn

Tunhnaia din thar Manipur University of Culture and Manipur State Film and Television Institute chu 2016-17 academic session aṭangin kalpui ṭan a nih tur thu Manipur Department of Information and Public Relations chuan puang.

Public Works depart-ment (PWD) minister Ksh Biren Singh leh engineer ṭhenkhat te chuan buil-ding leh class-room te chu Thawhlehni khan an enfiah a, zirna kalpui
ṭan turin a inpeih tawh tih an sawi. Commissioner of Arts and Culture K Radhakumar Singh, Arts and Culture Director K Sushila Devi, Registrar of Manipur University of Culture L Joychandra Singh, film maker Dr Makhonmani Mongsaba te chuan inspection team hi an ṭawiawm a, Art 7 Culture Complex, Ma-nipur State Film Development Society complex leh Shri Shi Govinda Nartalaya te an tlawh nghal bawk.

MUC hi Imphal-ah kum 2015 khan Manipur University of Culture Act, 2015 hnuaiah din a ni a, hmarchhaka a hmasa ber leh awm chhun a ni. MUC-ah hian graduate, post graduate, doctorate, post doctorate te a zir theih a ni. Kum 2016-17 academic session bikah hian course panga 4-year Degree Course in Visual Arts, Umang Lai Haraoba, Thang-Ta, Dance and Music-ah kum thum chhung zir degree courses hawn phawt a ni. Vice-Chancellor N. Khagendra Singh chuan Manipur University of Culture and Manipur State Film and Television Institute hi a enkawl dawn a ni.