INPT ten NEDA zawm remti

Indigenous Nationalist Party of Tripura (INPT) chuan hmar-chhaka political party hrang hrang inzawmkhawmna North East Democratic Alliance zawm an remti.

Indigenous People’s Front of Tripura president Narendra Chandra Debbar-man chuan, NEDA zawm tur hian kan inpeih tawh a, kan thil phut - Tripura Tribal Areas Autonomous District Council, state a nih theih nan hmalakpui pawh min tiam a ni a ti. NEDA hruaitu Assam minister Dr Himanta Biswa Sharma aṭangin sawmna an dawng tih a sawi a, he mi bawhzui hian aiawh INPT vice president Aghor Debbarma leh general secretary Binoy Debbarma te chuan June 22 khan Guwa-hati-ah meeting an chhim a, thutlukna kan nei thei ta a ni a ti. Deb-barma chuan Guwahati-a July 13-a khawmpui neih turah pawh tel an tum thu a sawi a, he hun hmanpui tur hian BJP president Amit Saha pawh tel tura beisei a ni.

State hran pek an phut chungchangah Tripura-a political party hrang hrang te an dawr tawh tih Debbarman chuan sawiin, state BJP unit chuan an thil phut hi an dodal a ni a ti. Tripura Tribal Areas Autonomous District Council area hi Tripura ram zau zawng hmun thuma ṭhena hmun hnih lai a ni a, mihring cheng pawh hmun thuma ṭhena hmun khat an tling a ni. Indigenous Nationalist Party of Tripura (INPT) te hian August 13 hian State Demand Day hmang turin ruahmanna an siam a, Agartala-ah kawng zawh huaihawt an tum bawk a ni.