BSF ten Tripura-a lut Bangladesh mi 250 an man

Tripura police te chuan Bangladesh mi 250 vel an state-a luhruk tum an man thu leh an ramah thawn let leh an nih thu an sawi. Khowai district police chief Jayanta Chakraborty chuan, "India Border Security Force leh Bangladesh Border Guards te chuan meeting an nei nghal a, inbiak remnain heng mite hi Bangladesh-ah hian thawn kir leh an ni" a ti.

Khowai district thuneitute chuan heng mite te hi eitur an lo pe a, an zingah hian naupang leh hmeichhia eng emaw zat an awm. An vai hian 250 an ni a, Inrinni khan western Tripura aṭangin Tripura-ah hian an lut a, BSF te chuan nang chinin an man ta a ni. Heng mite chenna Chunarughat khua chu Bangladesh forest guard te chuan Zirtawpni khan an tihchhiatsak nia hriat a ni a, an himna leh chenna ngaihtuahin ramri hi an pan ta mai nia ngaih a ni.

Union Home Ministry’s Border Management Secretary Susheel Kumar chuan Zirtawpni khan ni thum cham turin Tripura a pan a, state Chief Secretary Yashpal Singh, BSF senior official, District Magistrate leh mi pawimawh dangte nen India-Bangladesh border chungchang an sawiho a, hmalakna tur te an thlirho nghal a ni.