Tripura-ah business meet neih a ni

Tripura sorkar kaihhruaina hnuaiah ASSOCHAM din a ni a, tunhnai khan business meet “Invest – Tripura” hman a ni. Tripura sorkar hian Industry din kawngah nasa zawkin hma a la mek a, investment lian zawk a awm theih nan ngaihtuahna a seng mek bawk.

“Invest – Tripura”-ah hian India ram hmun hrang hranga investor te sawm an nih bakah ṭhenawm ram Bangladesh aṭang pawhin he hun hmang tur hian an lo kal a ni. He hunah hian Tripura-in industrial investment lama hma a sawn theihna te sawiho a nih bakah ramri hnaia awm a nih vanga sumdawna atana kawng pawimawh a nih theih dan te an sawiho a ni. ASSOCHAM Regional Director Parminder Jeet Kaur chuan, technology, food processing, infrastructure leh tourism lamah te nasa takin ṭan lak a ni a, investor te hip thei tura an beih mek thu a sawi. He hun hi Bangladesh Industry Minister Alhaz Amir Hussain chuan a hmanpui a, tunah chuan Bangladesh leh India te chuan inremna an siam tawh a, chu chuan awl sam zawkin investor te tan kawng a hawnsak a, an duhna hmunah investment an ti thei tawh a ni a ti.

Hong Kong Trade Development Council leh China Economic and Cultural Council palai te chuan he hun hi an chhim ve bawk.